Edukiontzi bati su ematen ari zela atxilotu dute Bilbon

Bilboko Udaltzaingoak 37 urteko gizonezko bat atxilotu zuen joan den larunbatean, urriak 17, Zabalburu plazako edukiontzi batean sua eragitea egotzita, Udalak astearte honetan jakitera eman duenez.

Atxiloketa 1:25ean izan zen, kalez jantzitako bi agentek ustezko piromanoak metxero bat atera, piztu eta une horretan paperez eta kartoiz betetako edukiontzian sartzen ikusi zutenean.

Gertatutakoa ikusita, agenteek gizona edukiontzitik bereizi, atxilotu eta sua itzaltzea lortu zuten.

Atxilotuak polizia-aurrekari ugari ditu arrazoi horrengatik, eta Bilboko Udaltzaingoa gizonaren atzetik zebilen denbora bat. Dagoeneko, epailearen esku utzi dute.