Gizartea -
HEZKUNTZA
2013-2014 ikasturtean graduatutako unibertsitate ikasleen % 89k lana topatu zuten iaz
Hamarretik zortzi Euskal Autonomia Erkidegoan ari dira lanean. Gainera, unibertsitateko ikasketka amaituta lana aurkitu duten pertsonen portzentajea hazi egin da 2014ko datuekin alderatuta.
AGENTZIAK | ERREDAKZIOA
2013-2014 ikasturtean EHUn tituluren bat eskuratu zuten unibertsitate ikasleen % 89,3k lana zuen 2019an. Horien artetik % 14,9 Estatuan ari dira lanean eta % 5, ostera, atzerrian, Espainiako Estatistikako Institutuak ostegun honetan jakinarazitako datuen arabera.
Lana zuten EHUko tituludunen ehunekoak gora egin du 2014 urtearekin alderatuta. Orduan, 2009-2010 ikasturteko tituludunen % 78,5 sartu ziren lan-merkatuan; horietatik % 13,8k Estatuan lortu zuten lanpostua, eta % 6,4k, ostera, atzerrian.
Estatistikako Institutu Nazionalaren arabera, Euskadi 2019an Estatuko laugarren autonomia erkidegoa zen, unibertsitateko ikasleen artean laneratze handiena izan zuena, 2014an baino bi postu gehiago, baita Estatuko batez bestekoaren gainetik ere (tituludunen % 86,1).
Halaber, INEren datuen arabera, EAE da laugarren laneratze handiena duen erkidegoa; izan ere, 2013-2014 ikasturtean graduatutakoen % 80,1ek lana lortu zuen lurraldean. 2014an % 79,8 zen.
2013-2014 ikasturteko unibertsitate-masterreko euskal tituludunen egoerari dagokionez, INEk jakinarazi du 2019an % 87,3 zeudela lanean, Estatuko batez bestekoaren ehuneko bera.