Gizartea -
Elkartasuna
Elikagaien 'bilketa handia' azaroaren 16tik 21era izango da Bizkaian
Ekimenaren zazpigarren edizioa izango da, baina aurten ez da boluntariorik egongo dendetan pandemia dela eta. Gainera, diru dohaintzak eskatu dituzte aurtengo egoerarengatik.
agentziak | erredakzioa
Bizkaiko Elikagaien Bankuak azaroaren 16tik 21era egingo du aurten "bilketa handia".
Elkartasun ekimenaren zazpigarren edizioa izango da, baina aurten ez da boluntariorik egongo dendetan pandemia dela eta.
Gainera, aurten elikagai bonoak eskuratu ahal izango dira kanpainarekin bat egin ohi duten establezimenduetan, eta elkarteak, "aparteko neurri gisa", diru dohaintzak eskatu ditu. Bizkaiko Elikagaien Bankuaren webgunearen bitartez egin daitezke dohaintzak.