Bi pertsona ospitaleratu dituzte Iruñean perretxiko pozoitsuak hartu ostean

Bi emakume Nafarroako Ospitale Gunean ospitaleratu dituzte intoxikazio batengatik, perretxiko pozoitsuak hartu ostean. Dirudienez, ospitaleratutako bi emakumeek lagun batek beste espezie jangarri batzuekin batera bildu zituen Amanitas phalloidesak jan zituzten.

Radio Euskadik jakitera eman duenez, bi emakumeak ospitalera joan ziren ondoezik sentitu ostean. Heriotzaren onddoa, Amanitas phalloides bezala ezagutzen direnak, gonbito mingarriak eragiten dituzte, beherakoa min kolikoekin, kalanbreekin, pultsu ahularekin, eta gibelean kalte larriak eragin ditzake. Amanita phalloidesak Foru Erkidegoan intoxikazio gehien eragiten dituzten espezieetako bat dira.

Osasun zerbitzuak, intoxikaziorik izanez gero, ospitalera azkar joatea gomendatzen du, eta kontsumitu diren perretxiko gordinen edo prestatuen hondarrak eramatea, identifikatu ahal izateko.

Gainera, perretxikoak biltzean, ezagutzen diren perretxikoak bakarrik hartzea gomendatzen da, egoera onean daudenak eta hautsita, deskonposatuta edo uretan bustita ez daudenak. Kozinatzea gomendatzen da beti, horietako batzuk hilgarriak izan baitaitezke gordinik jaten badira.