Gizartea -
Ikerketa
Ertzaintzak gizon baten gorpua topatu du Araban
Heriotza bortitza izan den ikertzen ari dira. Gorpua Berrostegietako zonan aurkitu dute, A-3102 errepidean. Errepide horrek Gasteiz eta Zaldiaran mendatea lotzen ditu.
Erredakzioa
Gizon baten heriotza bortitza ikertzen ari da Ertzaintza. Gizonezkoaren gorpua gauean aurkitu dute Arabako errepide batean, Gasteiztik gertu. Hildakoa ibilgailu baten alboan topatu due, Herrizaingo Saileko iturriek jakitera eman dutenez.
Gorpua Berrostegietako zonan aurkitu dute gauean, A-3102 errepidean. Errepide horrek Gasteiz eta Zaldiaran mendatea lotzen ditu.
Zirkulazio istripu baten berri izan du Ertzaintzak 21:00ak aldera eta berehala bertaratu da abisua jaso ostean.
Ezbehar batean aurki ezin daitezkeen elementuak topatu dituzte ertzainek eta gizonaren heriotza beste arrazoi batzuengatik gertatu dela ondorioztatu dute.
Heriotza bortitza izan daitekeenaren zergatia ikertzen ari da Ertzaintza.
