Ana Ollo kontseilariak sendagiria jaso du, COVID-19agatik ospitaleratuta egon ostean

Orain etxean jarraituko du errekuperazio prozesuarekin. Hilabetearen erdialdean ospitaleratu zuten eta egun batzuk igaro zituen Zainketa Intentsiboetako Unitatean.

Ana Ollo Nafarroako Gobernuko Herritarrekiko Harremanetarako kontseilaria. — Ana Ollo Nafarroako Gobernuko Herritarrekiko Harremanetarako kontseilaria, artxiboko irudi batean

AGENTZIAK | ERREDAKZIOA

publikatuta: 2020/11/25 08:13 (UTC+1)

azken eguneratzea: 2020/11/25 08:15 (UTC+1)

Ana Ollo Nafarroako Gobernuko Herritarrekiko Harremanetarako kontseilaria atzo irten zen Nafarroako Ospitale Gunetik, koronabirusagatik hainbat egunez ospitaleratuta egon ostean. Sengaria jasota, orain etxean jarraituko du errekuperazio prozesuarekin, bere departamentuko iturriek azaldu dutenez.

Etxean egun batzuk igaro ondoren, azkenean azaroaren erdi aldera ospitaleratu egin zuten COVID-19ak eragindako pneumonia batengatik. Gainera, egun batzuk igaro zituen Zainketa Intentsiboetako Unitatean.

Azken egunetan nabarmen egin du hobera eta atzo jaso zuen ospitaleko sendagiria. Hala ere, etxean jarraituko du errekuperazio prozesuarekin.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu COVID-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn eta Nafarroan. Iparraldean, espazio publiko itxietan, garraio publikoan eta udalerri eta hiri nagusietan da derrigorrezkoa.

Hau zure interesekoa bada, baliteke beste gai hauek ere izatea

Geroa Bai Gaurko albisteak Nafarroan Gizartea Prentsa digitalaren azken orduko Gaurko azken ordukoa Nafarroako Gobernua Osasun albisteak Nafarroako Ospitale Gunea azken ordukoa COVID fokuak MOE albisteak gaur

Ana Ollo kontseilariak sendagiria jaso du, COVID-19agatik ospitaleratuta egon ostean

Esteka kopiatuta