Gizartea -

Migrazioa

'Aita Mari' Mediterraneo erdialderantz abiatu da, bost hilabetez portuan egon ostean

Erakundeak jakitera eman duenez, "Libia eta Italia arteko migrazio ibilbidean giza eskubideen betetzea monitorizatzea" izango da helburua.

'Aita Mari' itsasontzia. ETBko bideo batetik hartutako irudia.
'Aita Mari' itsasontzia
'Aita Mari' itsasontzia. ETBko bideo batetik hartutako irudia.

AGENTZIAK | ERREDAKZIOA

Whatsapp Facebook Twitter Telegram Email

Salbamendu-ontzi bihurtutako Aita Mari arrantza-ontzia Pasaiako portutik Mediterraneo erdialderantz itsasoratu zen bart gauean, bost hilabetez portuan egon ondoren.

Ontziaren ardura duen erakundeak jakitera eman duenez, "Libia eta Italia arteko migrazio ibilbidean giza eskubideak betetzen ote diren monitorizatzea" izango da bere helburua.

Portuan egon den bost hilabeteetan, Aita Mariko arduradunek Italiako agintariek eskatutako erreformak egin dituzte ontzian. Erreformen beharraren ondorioz, itsasontzia Siziliako portuan utzi zuten, itsasotik erreskatatutako 44 etorkin lehorreratu ondoren.

Ur zikinak biltzeko deposituak, larrialdietarako baltsetarako plataforma bat, bi baltsa berri, zundak eta barandak, azterketa teknikoak eta ganbarak aireztatzeko lanak egin behar izan dituzte.

Egokitzapen horiek 33.400 euro baino gehiagoko gastua eragin dute, Itsas Salbamendu Humanitarioak azaldu duenez, eta baldintza horiek etorkinak erreskatatzen dituzten ontziei soilik ezarri dizkietela salatu dute.

Erakundeak "itsaso zabalean edozein naufrago erreskatatzeko migrazio estrategia europar bat" martxan jartzea eskatu du.

Hau zure interesekoa bada, baliteke beste gai hauek ere izatea
Europar Batasuna Migrazioa Euskal Autonomia Erkidegoa Europa Gizartea Eguneko albisteak Albisteak Errefuxiatuak Giza eskubideak Gobernuz Kanpoko Erakundeak Aita Mari ontzia gaur Zer gertatzen ari da Libian? Mediterraneo itsasoa gaur