Zirkulazioa normaltasunera itzuli da AP-68 autobidean, Arrigorriaga parean

Autobidea itxita egon da 0 kilometrotik bost ordu baino gehiagoz, bi autobideen arteko loturatik gertu. Trafikoa Malmasingo tuneletatik bideratu dute.

Pilaketak A8an, Mirafloresen, AP-68 errepidearen itxieraren ondorioz. — Auto-ilara luzeak AP-68 autobidean, Arrigorriagan, Gasteizko noranzkoan

M. I. | EITB MEDIA

publikatuta: 2020/12/22 07:53 (UTC+1)

azken eguneratzea: 2020/12/22 13:13 (UTC+1)

Zirkulazioa normaltasunera itzuli da AP-68 autobidean, Arrigorriaga parean. AP-68 autobidea itxita egon da bost orduz, 0 km-tik, Gasteizko noranzkoan.

Segurtasun Sailak eitb.eus-i jakinarazi dionez, zirkulazioa Malmasingo tuneletatik bideratu dute. 12:00ak aldera Eusko Jaurlaritzako Trafiko Zuzendaritzak jakinarazi duenez, AP-68 autobidean berriz ere zabaldu dute, Arrigorriagan.

Ibilgailu ugariko eremua denez, auto-ilarak handiak sortu dira, eta Zorrotzako bihurguneetara iritsi dira.

Gainera, Eusko Jaurlaritzako Trafiko Zuzendaritzak jakinarazi duenez, A-8 autobidea ere itxi egin dute 118 kilometroan (Bentazaharrako tunela), Donostiarako noranzkoan. Dena dela, 10:00ak aldera, berriz ere zirkulazioa berrezarri da.

Hau zure interesekoa bada, baliteke beste gai hauek ere izatea

Trafiko Istripuak Bizkaia Gizartea Eguneko albisteak Albisteak A-8 Autobidea AP-68 autobidea

Zirkulazioa normaltasunera itzuli da AP-68 autobidean, Arrigorriaga parean

Esteka kopiatuta