Gizartea -
Emakumeen kontrako indarkeeia
Bikotekideari eraso diolakoan 22 urteko gaztea atxilotu dute Gasteizen
Bikotekidea jotzea eta sexu erasoa egin nahi izana leporatzen dizkiote atxilotuari. Biktima osasun zentro batera eraman behar izan dute jasotako kolpeetatik artatzeko.
Erredakzioa
22 urteko gaztea atxilotu dute goizaldean Gasteizen, bikotekidea jo eta sexu erasoa egiten saiatuko delakoan. Antza, erasoa, hiriko kale batean jazo da goizaldean, Txagorritxu auzoan.
Pertsona batek Ertzaintzari telefonoz ohartarazi dio emakume bat laguntza eske oihuka ari zela kalean. Deia jaso bezain pronto bertaratu da patruila bat auzo horretara eta gizonezko bat emakume bati joka ikusi dute.
Antza bikotekideak dira, liskar gogorra izan zuten aurretik, eta ustezko erasotzailea emakumea noiz helduko zain egon zen etxeazpian. Biktima iritsitakoan kolpeka hasi zitzaion eta sexu erasoa egiten saiatu zen.
Emakumea osasun zentro batera eraman dute jasotako kolpeetatik artatzeko.
