Publizitatea
Itxi

2021/01/08

13:01

Gizartea

Osasuna

Euskadi organoen donazioan buru diren Europako herrialdeen artean dago

L.Z. | EiTB.EUS

Hamar familiatik bederatzi donazioaren aldekoak dira. 80ko hamarkadan, hamarretik zazpik baino ez zuten organoen donazioa babesten.

  • Jendea Bilbotik paseoan

    Jendea Bilbotik paseoan. EFEren artxiboko irudi

  • Whatsapp
  • Whatsapp
  • Telegram
  • Bidali

Milioi biztanleko 51,3 organo-emaileko tasa zuen Euskadik iaz. 2019ko datuekin alderatuta, % 21 egin du behera organoen donazioak. Dena den, Gotzone Sagardui Osasun sailburuak nabarmendu duenez, pandemiak horretan izan duen eragina gorabehera, donazioan buru diren herrialdeen artean dago oraindik ere Euskadi.

2000. urteaz geroztik, milioi biztanleko 40 organo-emaileko batezbestekoa gainditu du urtero. "Inoiz beste herrialde batek ez du horrelakorik lortu", Sagarduiren hitzetan.

Azken hamar urteetan, heriotza diagnostikatu dieten pertsonetatik iritsi dira donazioen % 44.

Bestalde, hamar familiatik bederatzi donazioaren aldekoak dira gaur egun. 80ko hamarkadan, hamarretik zazpik baino ez zuten organoen donazioa babesten.

Organo-emaileen heriotzen erdiek garuneko hodietako istripuekin dute zerikusia, % 15 buruan jasotako kolpe larriekin eta % 4 trafiko ezbeharrekin.

2.655 transplante

Milioi biztanleko 100 gaixori egin zieten transplanteren bat Euskadin 2020an. Azken hamar urteetan, guztira, 2.655 transplante egin dituzte, eta kasu gehienetan Europako zentro aurreratuenetan jasotako emaitza antzekoak edo hobeak lortu dituzte.

  • Bisitatuena

      Kargatzen ikusiena
      Kargatzen ikusiena