Gizartea -

Ipar Euskal Herria

Poliziak emakume bat hil du Baionan, tiroz

Gertakariak 01:00a aldera jazo dira Baionako Marechal-Soult etorbidean. Polizia judizialak ikerketa abiatu du, eta agente bat atxilotu dute.

Poliziaren kontrol bat, Lapurdin. EFEren artxiboko argazkia
Poliziaren kontrol bat, Lapurdin
Poliziaren kontrol bat, Lapurdin. EFEren artxiboko argazkia

E.G. | EITB MEDIA

Whatsapp Facebook Twitter Telegram Email

Frantziako Poliziak emakume bat hil du gaur Baionan (Lapurdi), tiroz, Sud'Ouest kazetak jakitera eman duenez. Baionako Marechal-Soult etorbidean jazo dira gertakariak, 01:00a aldera. Agente bat atxilotu dute.

Informazioaren arabera, 37 urteko emakumeak gidatzen zuen autoa ez omen da gelditu poliziaren kontrol batean, eta ihes egin du. Jarraika hasi zaizkio, eta emakumearen autoa polizia-ibilgailuaren kontra joan ei da. Orduan egin omen dute tiro agenteek. Emakumea larri zauritu da, eta ospitalean zendu da handik gutxira.

Polizia judizialak ikerketa bana abiatu du: bata polizia agenteen kontrako hilketa saiakeragatik, eta bestea "aginte publikoa duen norbaitek egindako hilketa saiakeragatik".  Agente bat atxilotu dute.

Hau zure interesekoa bada, baliteke beste gai hauek ere izatea
Iparraldea bideoak Baionako bideoak Gizartea Eguneko albisteak Gaurko azken ordukoa