Gizartea -

KORONABIRUSA

2021eko Xabieraldiak bertan behera utzi dituzte Nafarroan pandemia dela eta

Hala ere, Xabierren Graziaren Bederatziurrenaren ospakizunak egingo dira martxoaren 4tik 12ra, edukiera mugatuarekin, une horretan indarrean dagoen araudia betez.

2013ko Xabieraldia. Artxiboko irudia: EFE
2013ko Xabieraldia.
2013ko Xabieraldia. Artxiboko irudia: EFE

A. S. | EITB Media

Whatsapp Facebook Twitter Telegram Email

Nafarroako Elizak ez du Xabieraldia egingo 2021eko martxoan, covid-19aren pandemiaren ondorioz, eta ez dira lehen eta bigarren Xabieraldiei dagozkien mezak egingo. Iaz ere, arrazoi bera dela medio, ez da Xabierko gaztelurako erromesaldirik egingo.

Oscar Azcona Xabieraldien zuzendariak, Francisco Perez Iruñeko artzapezpiku eta Tuterako gotzainaren izenean, ohar batean jakinarazi duenez, "pandemiaren ondorioz bizi dugun egoera ikusita, ez da Xabieraldirik egingo 2021eko martxoan". "Horregatik, lehenengo eta bigarren Xabieraldiei dagozkien mezak ere ez dira egingo", gaineratu du.

Mezarik ez dute egingo, baina bai egingo dituzte San Frantzisko Xabierkoaren omenezko Graziaren Bederatziurrenaren ospakizunak martxoaren 4a eta 12a bitartean Xabierren, edukiera mugatuarekin, une horretan indarrean dagoen araudia betez.

Graziaren Bederatziurrena ospatzeko ekitaldien ordutegiak www.javieradas.com eta www.santuariojaviersj.org webguneetan kontsultatu ahalko dira.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu COVID-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn eta Nafarroan. Iparraldean, espazio publiko itxietan, garraio publikoan eta udalerri eta hiri nagusietan da derrigorrezkoa.
Hau zure interesekoa bada, baliteke beste gai hauek ere izatea
Nafarroa Tutera berriak Gizartea Gaurko titularrak Albisteak Nafarroako Gobernua Jaiak Erlijioa albisteak gaur Eliza Katolikoa albisteak