Publizitatea
Itxi

2021/01/18

14:40

Gizartea

Bizkaia

Ermuko bi eraikin hustu dituzte, sute baten ondorioz

EITB MEDIA

Sutea atzo 21:00ak aldera piztu zen Izelaieta kaleko etxebizitza batean, antza denez, etxebizitza bateko airea ateratzeko hodia oztopatu ostean.

  • Whatsapp
  • Whatsapp
  • Telegram
  • Bidali

Ermuko etxebizitza bateko airea ateratzeko hodia oztopatzea izan da, antza denez, herri horretako sute baten arrazoia, eta, ondorioz, alde zaharreko bi eraikinetako bizilagunak etxetik atera behar izan dituzte gaur gauean.

Udalak ohar baten bidez jakinarazi duenez, atzo 21:00ak aldera hasi zen sua, Ermuko Izelaieta kaleko etxebizitza batean, baina ez da zauriturik izan, baina kalte materialak eragin ditu bi eraikinetan, eta oraindik ebaluatu gabe daude.

Antza denez, kale horretako 26. zenbakian dagoen eraikinetik ateratzeko hodian piztu zen sua; geroago, aire-ganbaran zehar, ondoko eraikineraino hedatu zen, kale bereko 24. zenbakira, eta eraikin horretako teilatupera iritsi zen.

Iurretako eta Eibarko suhiltzaileak sua itzaltzera joan ziren, eta, eraikinek egurrezko estalkia zutela ikusita, bi eraikinak hustera behartu zituzten, segurtasunagatik.

Gaueko 12:00ak baino lehentxeago, sua itzalita zegoen, baina, segurtasunagatik, suhiltzaile-talde bat egon da goizaldeko zazpiak arte, garrak ez direla berriro piztuko ziurtatzeko.

  • Bisitatuena

      Kargatzen ikusiena
      Kargatzen ikusiena