Gizartea -
SUTEA
Bi pertsonak erredurak egin dituzte Zarauzko etxebizitza batean piztutako sutean
Zaurituetako bat Donostia Ospitalera eraman dute. Sua piztu den etxebizitza eraikina jendez hustu dute, suhiltzaileek sua itzali duten arte.
O. A. | EITB MEDIA
Sutea izan da bart Zarauzko etxebizitza eraikin batean, eta, ondorioz, bi pertsonak erredurak egin dituzte.
Eusko Jaurlaritzako Segurtasun Sailak jakinarazi duenez, sutea 03:15 aldera piztu da Urdaneta kaleko etxebizitza eraikin bateko laugarren pisuan.
Sua hasi den etxebizitzako bi bizilagunek erredurak egin dituzte eta horietako bat Donostia Ospitalera eraman behar izan dute.
Halaber, eraikineko gainerako bizilagunak etxetik atera behar izan dituzte. Hala ere, suhiltzaileek sua itzali ostean, etxera itzultzeko baimena jaso dute.
Hau zure interesekoa bada, baliteke beste gai hauek ere izatea