Gizartea -

KORONABIRUSA

229 zigor proposamen aurkeztu dituzte asteburu honetan Gasteizen

Salaketarik ugarienak maskara ez erabiltzeagatik izan dira, 90 guztira; ondoren, kalean alkohola kontsumitzeagatik, 45.

Gainera, 44 zehapen jarri zituzten pertsonen arteko distantzia ez mantentzeagatik. Argazkia: EFE.
Taberna bat itxita eta jendea kalean Gasteizen
Gainera, 44 zehapen jarri zituzten pertsonen arteko distantzia ez mantentzeagatik. Argazkia: EFE.

N.B. | EITB MEDIA

Whatsapp Facebook Twitter Telegram Email

Gasteizko Udaltzaingoak 229 zigor proposamen aurkeztu ditu asteburu honetan covidaren aurkako neurriak ez betetzeagatik, aurrekoan baino 135 gehiago, 94 zigorren berri eman zutenean.

Gasteizko Udalak zehaztu duenez, salaketarik ugarienak maskara nahitaez ez erabiltzeagatik izan dira, 90 guztira; ondoren, kalean alkohola kontsumitzeagatik, 45.

Gainera, 44 zehapen jarri zituzten pertsonen arteko distantzia ez mantentzeagatik; 19, sei pertsonako gehieneko taldeen muga ez betetzeagatik; zortzi, etxeratze-agindua hausteagatik; eta beste zortzi, espazio publikoan erretzeagatik bi metroko distantzia errespetatu gabe; beste sei, udalerriaren edo autonomia-erkidegoaren sarrerak eta irteerak ez errespetatzeagatik; eta bederatzi, beste kasu batzuengatik.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn eta Nafarroan. Iparraldean, espazio publiko itxietan, garraio publikoan eta udalerri eta hiri nagusietan da derrigorrezkoa.

Hau zure interesekoa bada, baliteke beste gai hauek ere izatea
Gasteizko Udala Araba Euskal Autonomia Erkidegoa Gaixotasunak Gizartea Eguneko albisteak Gasteiz Albisteak Osasun albisteak Koronabirusa Alarma egoera Maskarak covid-19