Publizitatea
Itxi

2021/03/21

18:42

Gizartea

KORONABIRUSA

89ra jaitsi dira covid kasu berriak Nafarroan baina % 6,9an dago positibitatea

EITB MEDIA

Aste honetan, hiru aldiz gainditu da 100 kasuko langa. Atzo baino 13 kasu gutxiago atzeman dira, 40 proba gehiago eginda.

  • Nafarroako paziente bat, usaimena galduta, covid-19a igaro ostean.

    Nafarroako paziente bat, usaimena galduta, covid-19a igaro ostean. Argazkia: EFE

  • Whatsapp
  • Whatsapp
  • Telegram
  • Bidali

Hainbat egunez 100 kasu baino gehiago izan ostean, atzo, larunbata, covid-19an 89 positibo berri atzeman zituzten Nafarroako Foru Erkidegoan, bezperan baino 13 gutxiago.

Nafarroako Osasun Publikoaren eta Lan Osasunaren Institutuak emandako datuen arabera, atzo 1.291 proba diagnostiko egin ziren (bezperan baino 40 gehiago) eta % 6,9k eman zuten positibo.

Eskualdeka, Iruñean eta bere inguruetan atzeman zituzten positibo berrien % 42, Tuteraldean % 22 eta Lizarraldean % 20. Gainerako positiboak ( % 16) Nafarroako beste eskualde batzuetan erregistratu ziren.

Kasu berrien adin-tarteei dagokionez, 45-59 urte bitartekoen taldea izan zen nagusi, kasuen % 25ekin, eta, ondoren, 15 urtetik beherakoena, % 22rekin. Ondoren, 15-29 urteko taldeak daude ( % 17), 75 urtetik gorakoena ( % 13), 60 eta 75 urte bitartekoen taldea ( % 12) eta 30 eta 44 urte artekoena ( % 11).

Astebete eskasean, kasu berriak eta positibotasun tasa ia bikoiztu egin dira: joan den larunbatean, martxoak 13, kutsatzeak 51 ziren eta positibotasuna % 3,9koa zen. Astean zehar 68 kasu atzeman dira Nafarroan astelehenean ( % 3,2), 100 asteartean ( % 4,5), 70 asteazkenean ( % 3,9), 119 ostegunean ( % 6) eta 102 ostiralean. ( % 8,2).

Gainera, 88 urteko gizonezko bat hil zen atzo covid-19aren ondorioz, eta aurreko egunetan 81 urteko emakume bat hil zela jakin zen. Guztira, 1.120 pertsona hil dira Nafarroan pandemia hasi zenetik.

Ospitaleratzeei dagokienez, 76 pertsona daude une honetan ospitaleratuta covid-19a dela eta (atzo baino lau gehiago), horietatik 17 ZIUn (atzo baino bat gehiago).

EAEko datuak

Eusko Jaurlaritzako Osasun Sailak 280 positibo berri atzeman ditu azken orduetan covid-19n, larunbatean egindako 6.119 proba diagnostikoetan; beraz, positibotasun tasa % 4,6 jaitsi da. Bezperan, 326 kasu berri zenbatu zituzten, 5.342 probaren artean, eta positibotasuna % 6,1ekoa izan zen.

Duela astebete, martxoaren 14an, 295 positibo eta positibotasun tasa % 4,9koa izan zen.

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.
  • Bisitatuena

      Kargatzen ikusiena
      Kargatzen ikusiena
    ;