Ertzaintzak Aia parean gertatutako istripu larri baten lekukoak eskatu ditu

Ezbeharra igandean gertatu zen, 12:20 aldera. Ford Fiesta auto bat errepidetik atera zen eta kontrako noranzkoan zihoan txirrindulari bat harrapatu zuen.

EITB MEDIA

publikatuta: 2021/03/22 14:38 (UTC+1)

azken eguneratzea: 2021/03/22 23:45 (UTC+1)

Ertzaintzak atzo, igandea, 12:20an, N-634 errepidean, Aia parean, Zarautzerako noranzkoan, gertatutako istripu larri baten lekukoak eskatu ditu. Ford Fiesta auto batek txirrindulari bat harrapatu zuen.

Antza denez, autoa errepidetik atera zen eta kontrako norabidean zihoan txirrindularia harrapatu zuen. Biktima ospitalera eraman behar izan zuten, zauri larriak baitzituen.

Ertzaintzak Gipuzkoako Trafiko Unitatearen zenbaki honetara deitzeko eskatu die ezbeharrari buruzko informazioa dutenei: 943 53 91 25.

Hau zure interesekoa bada, baliteke beste gai hauek ere izatea

Trafiko Istripuak Trafikoa Ertzaintza Gipuzkoa Euskal Autonomia Erkidegoa Delituak Gizartea Eguneko albisteak Albisteak 634 errepide nazionala Harrapatzeak

Ertzaintzak Aia parean gertatutako istripu larri baten lekukoak eskatu ditu

Esteka kopiatuta