Nafarroak ostalaritzaren barrualdea itxiko du Aste Santuan

Halaber, gehienezko edukierari buruzko neurriak hartuko ditu. Santos Indurain Nafarroako Osasun kontseilariak iragarriko ditu murrizketa berriak 13:00etatik aurrera.

Taberna baten barrualdea — Tabernetako barrualdeak itxiko dituzte Nafarroan Aste Santua baino lehen

EITB MEDIA

publikatuta: 2021/03/26 12:05 (UTC+1)

azken eguneratzea: 2021/03/26 16:19 (UTC+1)

Azken egunotan atzemandako koronabirus kasuen gorakadaren ostean, Nafarroako Gobernuak neurri murriztaile berriak iragarriko ditu gaur, bertako hedabideek berri eman dutenez.

Murrizketa berri horiek ostalaritzari eta merkataritzari eragingo diete. Antza, taberna eta jatetxeen barrualdea ixtea eta merkataritza saltokietako gehienezko edukierak murriztea erabaki dute agintariek.

Santos Indurain Nafarroako Osasun kontseilariak prentsa agerraldia deitu du 13:00etan neurri berriak iragartzeko.

Gaurko jakinarazitako azken kutsatze datuen arabera, atzo 207 positibo antzeman zituzten Nafarroan.

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.

Hau zure interesekoa bada, baliteke beste gai hauek ere izatea

Gaixotasunak argazkiak Gizartea Eguneko albisteak Albisteak Nafarroako Gobernua berriak Osasun albisteak gaur Koronabirusaren olatua gaur

Nafarroak ostalaritzaren barrualdea itxiko du Aste Santuan

Esteka kopiatuta