Gizartea -

Koronabirusa

Nafarroak 121.949 txerto eman ditu, jaso dituen 140.705etatik

Ia mila pertsonak parte hartu dute Lodosako baheketan, eta lau positibo atzeman dituzte. Ostiral honetan Arguedasen eta Urdianen egingo dute baheketa.

Txertaketa Nafarroan. Argazkia: Efe
Txertaketa Nafarroan. Argazkia: Efe
Txertaketa Nafarroan. Argazkia: Efe

agentziak | eitb media

Whatsapp Facebook Twitter Telegram Email

Nafarroako Osasun Departamentuak covid-19aren aurkako 3.549 txerto eman zituen atzo, eta guztira 121.949 dira eman dituenak, orain arte jaso dituen 140.705etatik. Gainera, 39.907 dira txertaketa prozesua bete eta immunizatuta daudenak.

Bestalde, Osasun Departamentuak, Arguedaseko eta Urdiaingo udalekin elkarlanean, baheketak egingo ditu bi udalerrietan ostiral honetan, hilaren 2an, azken egunotan kasuak ugaritu egin direlako.

Arguedasen 15 eta 29 eta 45 eta 64 urte arteko 870 pertsona daude parte hartzera deituta, eta Miguel Indurain kiroldegian egingo dituzte probak Tuteratik iritsitako profesionalek, 08:00etatik 20:00etara.

Bestalde, Urdiainen 15 urtetik gorako 560 herritar daude jomugan, eta frontoian egingo dituzte probak, 09:00ak eta 19:00ak artean. Kasu horretan Etxarri-Aranazko Lehen Arretako profesionalek egingo dituzte.

Osasun Departamentuaren arabera, jarduketa horiek Osasun Sailaren prebentzio eta esku-hartze komunitarioko estrategiaren parte dira, eta atzo, asteazkena, Lodosan baheketa bat egin zuen inguruko Lehen Mailako Arretako taldeekin eta udalaren eta gizarte-sarearen parte-hartzearekin. Baheketa horretan ia mila pertsonak (945) parte hartu zuten, eta lau positibo izan ziren.

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.

Hau zure interesekoa bada, baliteke beste gai hauek ere izatea
Nafarroa Gaixotasunak Gizartea Eguneko albisteak Lodosa Albisteak Nafarroako Gobernua Osasun albisteak Txertoak Koronabirusa Osasunbidea