Gizartea -

KORONABIRUSA

Datorren ikasturtean aurtengoan kontratatutako langileei eustea eskatu du Steilasek

Sindikatuaren aburuz, "ezinbesteko langileak dira ikastetxeetako hezkuntza proiektuak osasun berme nahikoekin modu presentzialean gauzatu ahal izateko".

Haurrak ilaran gela batean. Argazkia: EFE.
Haurrak ilaran gela batetik ateratzeko prest, pandemia garaian
Haurrak ilaran gela batean. Argazkia: EFE.

N. B. | EITB Media

Whatsapp Facebook Twitter Telegram Email

Steilas sindikatuak datorren ikasturteko plangintzan "aparteko" giza baliabideak mantentzea edo handitzea eskatu du astearte honetan, covid-19a dela eta.

Sindikatuak ohar batean azaldu duenez, 2020-2021 ikasturtean, koronabirus pandemiaren ondorioz, euskal eskola publikoak indartu egin dira, 1.000 langile ingururekin.

Horrenbestez, Steilasen ustez, "ikastetxeetako hezkuntza proiektuak osasun berme nahikoekin modu presentzialean gauzatu ahal izateko ezinbesteko bihurtu dira".

Sindikatuak adierazi duenez, datorren ikasturtea planifikatzeko garaian "osasun egoera ez da hobetzen ari" eta "gaur egun ez dirudi hezkuntza zentroak irailaren 1ean normaltasunez hasiko direnik".

Hori dela eta, proiektuak berme sanitario eta pedagogikoekin garatu ahal izateko baliabideak mantentzeko edo handitzeko eskatu du.

Hau zure interesekoa bada, baliteke beste gai hauek ere izatea
Osakidetza Eusko Jaurlaritza Gaixotasunak Gizartea Eguneko albisteak Albisteak Zientzia Hezkuntza Osasun albisteak Medikuak Sindikatuak Basurtuko ospitalea Gurutzetako ospitalea Umeak Erizaintza Sendagaiak Txertoak Donostia Ospitalea Txagorritxu Ospitalea Steilas Koronabirusa Galdakao-Usansolo Ospitalea Anbulatorioak