Gizartea -
Desagertutako pertsonak
Astigarragan desagertutako 27 urteko gizon baten bila ari dira
1,85 metroko altuera, gorputz atletikoa, ile gorrixka eta kolore ezberdineko begiak ditu. Apirilaren 18an ikusi zuten azkenekoz.
E. G. | EITB MEDIA
Igandetik etxetik falta den 27 urteko gizon baten bilera ari dira Astigarragan (Gipuzkoa), VOST Euskadi larrialdietarako boluntario digitalen taldeak Twitterren duen kontuan jakinarazi duenez.
Imanol Rodriguez Otaño apirilaren 18an ikusi zuten azkenekoz, eta familiak salaketa aurkeztua du. Ertzaintzak ikerketa du zabalik.
Gizonak 1,85 metroko altuera, gorputz atletikoa, ile gorrixka eta kolore ezberdineko begiak ditu. Desagertu zen unean Dolce & Gabanna markako elastiko bat eta beix koloreko prakak zeramatzan.
Horren inguruko informazioa duen orori 112 telefonora deitzeko eskatu diote.