Publizitatea
Itxi

2021/04/26

15:35

Gizartea

KORONABIRUSA

Nafarroak 128 kutsatze atzeman ditu, azken hilabeteko kopururik txikiena

Eider Garaikoetxea | EITB MEDIA

Positibotasuna % 7,8koa da. Igandean 5 pertsona hil ziren gaitzak jota, eta zazpi pertsona ospitaleratu zituzte, horietako bat ZIUn

  • Osasun langile bat PCR bat egiten.

    Osasun langile bat PCR bat egiten. Argazkia: EFE.

  • Whatsapp
  • Whatsapp
  • Telegram
  • Bidali

Nafarroak 128 positibo berri atzeman ditu azken orduetan 1.646 proba egin ondoren, eta positibotasuna % 7,8koa da, Foru Gobernuak emandako datuen arabera.

Martxoaren 27tik atzemandako kopururik txikiena da. Gainera, bezperan baino 15 kasu gutxiago dira, eta duela astebete baino 11 gutxiago. Duela 15 eguneko datuarekin alderatuta, azkenik, 69 kasu gutxiago dira.

Udalerrika, Funesen (perimetralki itxita ostiraletik) 12 kutsatze zenbatu dituzte. Tutera Ekialdean zazpi positibo atzeman dituzte, eta Altsasun, Zarrakaztelun, Cintruenigon, Martzillan eta Iruñeko Arrotxapean auzoan, bosna kasu.

Bestalde, 196 pertsona zeuden atzo ospitalean covid-19arekin Foru Erkidegoko ospitale sarean, bezperan baino hiru gutxiago. Hala ere, zazpi pertsona sartu zituzten ospitalean, horietako bat ZIUn, eta bost heriotza izan ziren: 81 urteko emakume bat, eta 71, 72, 78 eta 83 urteko lau gizonezko. Hori horrela, gaixotasunarekin Nafarroan hil direnen kopurua 1.158raino iritsi da.

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.
  • Bisitatuena

      Kargatzen ikusiena
      Kargatzen ikusiena
    ;