Publizitatea
Itxi

2021/04/29

23:44

Gizartea

Koronabirusa

Ezkontzak eta jaunartzeak ekaina ostera arte atzeratzea gomendatu dute Nafarroan

EITB MEDIA | AGENTZIAK

Nafarroako Gobernuak esan du datozen asteak "erabakigarriak" izango direla txertaketa kanpainaren bidez herritarrak immunizatzeko eta, ondorioz, "arrisku egoerak" saihestea eskatu du.

  • Ezkontza baten irudia.

    Ezkontza baten irudia. Argazkia: Pixabay

  • Whatsapp
  • Whatsapp
  • Telegram
  • Bidali

Ezkontzak, jaunartzeak eta konfirmazioak gutxienez ekaina ostera arte atzeratzeko gomendioa egin dute gaur Nafarroako Gobernuak eta Iruñeko eta Tuterako artzapezpikutzek.  

Bi erakundeek bilera egin dute, covid-19aren pandemia Nafarroan izaten ari den bilakaera eta azken datu epidemiologikoak aztertzeko.

Gobernuak ohar bidez adierazi duenez, "testuinguru honetan, jende pilaketak eta kutsatzeko arriskuak ekiditea eta prebentzio neurriak zorroztea ezinbestekotzat jotzen dugu".

Halaber, datozen asteak "erabakigarriak" izango direla azpimarratu du, txertaketa kanpainaren bidez herritarrak immunizatzeko, batez ere adinekoak eta pertsona zaurgarrienak.

Kultu guneetan segurtasun-tartea eta maskararen erabilera bezalako segurtasun neurriak betetzen dira eta edukiera mugatu egoten dago, baina iazko esperientziak erakutsi du arrisku handiena eremu horietan sartzerakoan eta irteerakoan eta, batez ere, ondorengo ospakizunean ematen dela, jende pilaketak izaten direlako.

  • Bisitatuena

      Kargatzen ikusiena
      Kargatzen ikusiena