44 urteko motozale bat hil da Irunen, auto baten aurka talka eginda

Istripua 16:00ak aldera gertatu da GI-636 errepidean, Donostiako noranzkoan. Hildakoa irundarra zen.

Istripu larria GI-636 errepidean, Irunen (Gipuzkoa). EiTB Mediako bideo batetik ateratako irudia. — 44 urteko motor-gidari bat hil da Irunen

EiTB Media | Agentziak

publikatuta: 2021/05/16 17:00 (UTC+2)

azken eguneratzea: 2021/06/22 11:49 (UTC+2)

44 urteko motor-gidari bat hil da igande honetan, Irunen (Gipuzkoa) gertatutako trafiko istripuan, GI-636 errepidean, Eusko Jaurlaritzako Segurtasun Sailak jakitera eman duenez. Hildakoa irundarra zen.

Iturriaren arabera, ezbeharra 16:00ak aldera jazo da. Motozaleak auto baten kontra talka egin du, Donostiako noranzkoan.

Anbulantzia bat bertaratu da. Errepidea itxi behar izan dute. Ertzaintzak ibilgailuen zirkulazioa bideratu behar izan du.

Asteburu honetan Euskal Herriko errepideetan hiltzen den bigarren motor-gidaria da; izan ere, larunbatean 23 urteko gazte bat hil zen Gasteizko Zadorra hiribidean, errepidetik aterata.

Hau zure interesekoa bada, baliteke beste gai hauek ere izatea

Trafiko Istripuak Trafikoa Gipuzkoa Euskal Autonomia Erkidegoa Gizartea Eguneko albisteak Irun Albisteak Trafiko istripuen biktimak

44 urteko motozale bat hil da Irunen, auto baten aurka talka eginda

Esteka kopiatuta