Gizartea -

Istripua

Pertsona bat hil da bi autok aurrez aurre talka eginda Zallan

Halaber, beste ibilgailuan zihoazen emakume bat eta haren semea zauritu dira istripuan. Biak Gurutzetako ospitalera eraman dituzte.

Ertzaintza zirkulazioa bideratzen Zallan. Argazkia: EITB Media
Ertzaintza zirkulazioa bideratzen Zallan.
Ertzaintza zirkulazioa bideratzen Zallan. Argazkia: EITB Media

EITB MEDIA

Whatsapp Facebook Twitter Telegram Email

Gizon bat hil da eta beste lagun zauritu dira arratsalde honetan bi autok aurrez aurre talka eginda BI-636 errepidean, Zallan.

Segurtasun Sailak jakinarazi duenez, istripua 15:25 inguruan gertatu da Bolunburuko tunelaren parean. Bi ibilgailuk aurrez aurre jo dute eta gidarietako bat hil egin da. 71 urte zituen eta Getxoko bizilaguna zen.

Beste ibilgailuan emakume bat eta haren semea zihoazen. Emakumea helikopteroan eraman dute Gurutzetako ospitalera, eta mutikoa senide batek eraman du erietxera, zauri arinak dituelako.

Ezbeharraren ondorioz errepidea bi noranzkoetan itxi behar izan dute.

Hau zure interesekoa bada, baliteke beste gai hauek ere izatea
Trafiko Istripuak Trafikoa Bizkaia Gizartea Eguneko albisteak Albisteak Zalla Errepideko istripuen biktimak Enkartazioak