Publizitatea
Itxi

2021/06/20

19:17

Gizartea

Gertakaria

Lau lekukok gizon bat erreskatatu dute Bilboko itsasadarrean

EiTB Media

72 urteko gizonari laguntzeko lau lekukoak uretara bota dira, eta zonaldetik pasa den laketontzi batera igo dute. Gertakaria Mesedeetako zubian 15:00ak aldera jazo da.

1:17
Lekuko bat, gizona erreskatatzen
  • Whatsapp
  • Whatsapp
  • Telegram
  • Bidali

72 urteko gizon bat onik erreskatatu dute arratsaldean, Bilboko itsasadarrean. Antza denez, zorabiatu da edo konortea galdu du, eta uretara erori da. Gizonari laguntzeko lau lekuko uretara bota dira, eta zonaldetik pasa den ontzi batera igo dute.

Mohamed izan da aurrena bere burua itsasadarrera botatzen, eta bere atzetik, beste bi lagunek eta zerbitzutik kanpo zegoen Oscar Macho udaltzainak ere jauzi egin dute.

Gertakaria 15:00ak aldera jazo da, Mesedeetako zubian, Bilbon. Gizona zorabiatu eta uretara erori da.

Lau lekukok biktima ikusi dute, eta segituan uretara bota dira. Azkenik, bertatik pasa den laketontzi batek guztiak lagundu ditu. Konkretuki, txalekoak bota dizkie, eta guztiak atera dituzte.

Udaltzaingoa, suhiltzaileak eta anbulantziak bertaratu dira. 72 urteko gizona ospitalera eraman dute, baita uretara bota den lekukoetako bat ere, Mohamed, uretan denbora asko pasa baitu.

Bitxia da, baina Mohamedek ez du lehenengo erreskatea; izan ere, aurretik ere leku berean beste pertsona bat salbatu zuen.

 

 

  • Bisitatuena

      Kargatzen ikusiena
      Kargatzen ikusiena
    ;