Kapitainarekin afaltzen ari zen emakumearen misterioa

'Costa Concordia' ontzia hondoratu eta gero, agintariek 25 urte inguruko emakumezko bat bilatu dute. Moldaviarra da, ilehoria, eta antza Francesco Schettino kapitainarekin afaltzen ari zen istripua izan zen unean.

Nor den misterioa izan da, baina orain argitu egin dute, Moldaviako Journal TV telebista-katean agertu baita gaur, azalpenak emateko. Bere esanetan, tripulazioko kidea zen eta, ondorioz, gainerako ofizialekin egon zitekeen.

Gazteak aitortu egin du istripuaren unean kapitainarekin afaltzen zegoela, eta defendatu egin du haren jarduna: "Milaka pertsona salbatu zituen. Lan aparta egin zuen; tripulazio guztiak elkartasuna agertu dio".

Hondoratzean, Dominikak salbamendu-txalupa batera igotzea lortu zuen eta, betiere bere hitzetan, beste hainbat pertsonari lagundu zien: "Nire burua zoriondu nahi dut, hainbat pertsona salbatzeagatik".

Fiskaltzak emakumezkoa galdekatu nahi du, gertatutakoa argitzeko. Halaber, zer dela eta zegoen ontzian ere galdetu nahi dio, haren izena ez baita agertzen bidaiarien eta tripulatzaileen zerrendetan.

Bien bitartean, "kapitain koldarra" (hala deitzen diote Italiako hedabideetan) bere herrira (Meta di Sorrento) iritsi zen atzo, Poliziak babestuta, eta bertan heroia balitz bezala egin zioten harrera.

Schettino kapitainak ontzitik ihes egin zuen istripuaren ostean. Lurrera iritsi zenean egin zuen lehen gauza amari deitzea izan zen, eta ondoren ontzia nola hondoratzen ari zen begiratzen geratu zen.

Valeria Montesarchio epaileak etxean giltzapetzea agindu du. Fiskalak, baina, kartzelatzea eskatu zuen, eta beraz, helegitea aurkeztuko du erabaki horren aurka.

'Costa Concordia' ontzia hondoratu eta gero, agintariek 25 urte inguruko emakumezko bat bilatu dute. Moldaviarra da, ilehoria, eta antza Francesco Schettino kapitainarekin afaltzen ari zen istripua izan zen unean.Nor den misterioa izan da, baina orain argitu egin dute, Moldaviako Journal TV telebista-katean agertu baita gaur, azalpenak emateko. Bere esanetan, tripulazioko kidea zen eta, ondorioz, gainerako ofizialekin egon zitekeen.Gazteak aitortu egin du istripuaren unean kapitainarekin afaltzen zegoela, eta defendatu egin du haren jarduna: "Milaka pertsona salbatu zituen. Lan aparta egin zuen; tripulazio guztiak elkartasuna agertu dio".Hondoratzean, Dominikak salbamendu-txalupa batera igotzea lortu zuen eta, betiere bere hitzetan, beste hainbat pertsonari lagundu zien: "Nire burua zoriondu nahi dut, hainbat pertsona salbatzeagatik".Fiskaltzak emakumezkoa galdekatu nahi du, gertatutakoa argitzeko. Halaber, zer dela eta zegoen ontzian ere galdetu nahi dio, haren izena ez baita agertzen bidaiarien eta tripulatzaileen zerrendetan.Bien bitartean, "kapitain koldarra" (hala deitzen diote Italiako hedabideetan) bere herrira (Meta di Sorrento) iritsi zen atzo, Poliziak babestuta, eta bertan heroia balitz bezala egin zioten harrera.Schettino kapitainak ontzitik ihes egin zuen istripuaren ostean. Lurrera iritsi zenean egin zuen lehen gauza amari deitzea izan zen, eta ondoren ontzia nola hondoratzen ari zen begiratzen geratu zen.Valeria Montesarchio epaileak etxean giltzapetzea agindu du. Fiskalak, baina, kartzelatzea eskatu zuen, eta beraz, helegitea aurkeztuko du erabaki horren aurka.