Publizitatea
Itxi

2021/07/01

19:36

Gizartea

KORONABIRUSA

Kutsatzeen igoera xumearekin hasi dute hilabetea Nafarroan, 68 positibo berrirekin

O. P. | EITB MEDIA

Azken orduetan bezperan baino hiru positibo gehiago atzeman dira. Sarriguren, Cirauqui, Burlata eta Arrotxapean zenbatu dira kutsatze kasu gehien.

  • Erizain bat herritar bati proba diagnostiko bat egiten.

    Erizain bat herritar bati proba diagnostiko bat egiten. Argazkia: EFE

  • Whatsapp
  • Whatsapp
  • Bidali

Covid-19aren 68 kasu atzeman dituzte azken orduotan Nafarroan, Foru Gobernuak emandako behin-behineko datuen arabera, bezperan baino hiru gehiago eta duela astebete atzemandako 40 kasuetatik eta duela 14 eguneko 46 positiboetatik gora.

Sarrigurenen izan ziren positibo gehien, bost zehazki; Cirauquin, Burlataneta Iruñeko Arrotxapea auzoan launa, eta Corellan eta Iruñeko Iturrama eta Mendillorri auzoetan hiruna kasu positibo.

23 pertsona daude ospitaleratuta Nafarroan covid-19aren ondorioz, horietako sei ZIU postuetan daude. Gainera, paziente bat etxeko ospitalizazioan dago, eta gainerakoak, 14 paziente, solairuan daude.

Aurreko eguneko datuekin alderatuta, positiboek gora egin dutela adierazten dute datu horiek. Foru Erkidegoan, 64.011 kasu atzeman dituzte pandemiaren hasieratik, eta 1.192 pertsona hil dira guztira.

Nafarroa alerta-maila baxuan dago.  Hala, Foru Gobernuak ostalaritzako eta gaueko aisialdiko edukiera eta ordutegiak zabalduko ditu ostiraletik aurrera.

 

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.
  • Bisitatuena

      Kargatzen ikusiena
      Kargatzen ikusiena
    ;