Gizartea -

Gipuzkoa

Bi lagun atxilotu dituzte Donostian Maria Cristina zubitik Urumeara saltoka ibili ostean

Suhiltzaileek erreskatatu behar izan zituzten uretatik, mozkor baitzeuden. Desobedientzia eta agintaritzari men ez egitea egotzi diete, gainera.

Suhiltzaileek atera behar izan zituzten uretatik. Argazkia: Bomberos Euskadi
Suhiltzaileek atera behar izan zituzten uretatik.
Suhiltzaileek atera behar izan zituzten uretatik. Argazkia: Bomberos Euskadi

Agentziak | EITB MEDIA

Whatsapp Facebook Twitter Telegram Email

Ertzaintzak bi gazte atxilotu ditu Donostian, desobedientzia eta agintaritzari men ez egitea leporatuta. Gazteak Urumea ibaitik atera behar izan dituzte bart, Maria Cristina zubitik saltoka ibili ostean, suhiltzaileek jakinarazi dutenez.

Gertakaria bart jazo da, 22:30 aldera. Larrialdi zerbitzuak bertaratu dira eta hainbat pertsona uretara jauzita zebiltzala egiaztatu ahal izan dute. Ibaia hazita zegoen, itsasgora tarteko.

Ertzainek uretatik ateratzeko eskatu diete gazteei, baina ez dute jaramonik egin, Segurtasun Sailak ohar batean azaldu duenez.

Azkenean suhiltzaileak atera behar izan dituzte uretatik. Mozkor zeuden.

Agenteek osasun zentroa joateko esan dietenean, ihes egiten saiatu dira biak, eta atxilotu egin dituzte desobedientzia eta agintaritzari men ez egitea leporatuta.

Hau zure interesekoa bada, baliteke beste gai hauek ere izatea
Donostiako Udala Donostia Ertzaintza Herriak eta Hiriak Gizartea Eguneko albisteak Albisteak Suhiltzaileak Gazteak