Itxi

Gizartea

Sutea

34 pertsonari aterpe eman behar izan diete Iruñeko Eslava ostatuak su hartu ondoren

Agentziak | EiTB Media

Pertsona heldu eta adingabeak, ostatuko bezero zein etxebizitzako bizilagunak, hotel eta aterpetxeetara eraman dituzte, eraikinaren egitura aztertu arte.

  • Iruñeko suhiltzaileak lanean, bart. Argazkia: EFE

    Iruñeko suhiltzaileak lanean, bart. Argazkia: EFE

Guztira, 34 pertsonari aterpe eman behar izan diete bart hoteletan zein ostatuetan, Iruñeko Alde Zaharrean, Eslava ostatuak su hartu ondoren. Gizon bat kiskalita hil da ezbeharrean.

Udaltzaingoak jakitera eman duenez, pertsona heldu eta adingabeak, ostatuko bezeroak zein etxebizitzako bizilagunak, hotel eta aterpetxeetara eraman dituzte, eraikinaren egitura aztertu arte.

Sua 18:22 aldera piztu zen ostatuko logela batean, Hilarion Eslava kalean. Suhiltzaileek zenbait pertsona erreskatatu zituzten, balkoietan laguntza eske zirelako, eta beste bi etxe barrutik atera zituzten.

Sutea dela eta, pertsona bat hil da, kiskalita, eta sei pertsona artatu behar izan dituzte kea arnasteagatik. Kea eraikin osora zabaldu da, eskaileratik.

Suak kalte handiak utzi ditu eraikinean, baita egituran ere. Ondorioz, suhiltzaileek habetu behar izan dute; izan ere, hirugarren solairuko zorua behera etortzeko arriskua zegoen.

  • Bisitatuena

      Kargatzen ikusiena
      Kargatzen ikusiena