Itxi

2021/08/17

11:55

Gizartea

koronabirusa

Bi lagun atxilotu dituzte Donostian segurtasun-dispositiboko patruilei botilak botatzeagatik

N. B. | EITB Media

Agintari judizialen esku jarri dituzte, desordena publikoen delitua leporatuta.

  • Segurtasun dispositiboa Donostian joan den asteburuan

    Segurtasun dispositiboa Donostian joan den asteburuan. Argazkia: EITB Mediaren bideo batetik lortuta

  • Whatsapp
  • Whatsapp
  • Telegram
  • Bidali

Ertzaintzak 20 eta 21 urteko bi gizonezko atxilotu ditu goizaldean, desordena publikoen delitua leporatuta. Poliziaren arabera, beirazko botilak bota dizkiete covid-19ari aurre egiteko osasun-neurriak betetzen ziren zaintzeko gauean ezarritako dispositiboko ertzainei.

Segurtasun Sailak ohar baten bidez jakinarazi duenez, Ertzaintzak, Udaltzaingoarekin koordinatuta, Donostiako Alde Zaharreko kaleak aztertzen ditu gauero. Gaurkoan, baina, 03:45 aldera, kontrol-dispositibo horretan parte hartzen ari ziren agenteak Abuztuaren 31 kalera iritsi direnean, gizonezko gazte batek botilak jaurti dizkie, eta, Jeronimo kalera iritsitakoan, beste gizonezko gazte batek jarrera bera hartu du, eta objektuak bota dizkie agenteei.

Horren aurrean, botilak eta bestelako objektuak bota dizkieten bi pertsonak identifikatu eta atxilotu egin dituzte, desordena publikoen delitua egotzita. Boulevardean polizia-jarduketa oztopatu duten beste bi gazte ere identifikatu dituzte, eta espedientea ireki diete desobedientziagatik.

Bi atxilotuak agintari judizialaren eskuetan jarri dituzte.

  • Bisitatuena

      Kargatzen ikusiena
      Kargatzen ikusiena
    ;