Itxi

2021/08/27

14:20

Gizartea

Koronabirusa

Heriotza bat izan da azken orduotan Nafarroan, baina beherantz jarraitzen dute kutsatzeek

O.P. | EITB Media

87 kasu zenbatu dira azken orduetan, bezperan baino bost kasu gutxiago. Hil honetan hirugarren egunez 100etik behera kutsatu izan dira.

  • Nafarroako ospitaleko larrialdien atea. Artxiboko argazkia: EFE

    Nafarroako ospitaleko larrialdien atea. Artxiboko argazkia: EFE

  • Whatsapp
  • Whatsapp
  • Telegram
  • Bidali

87 koronabirus kasu atzeman zituzten atzo, bezperan baino bost gutxiago, beraz, Foru Gobernuak eskainitako datuen arabera.

Ostegunean zehar 1.187 proba diagnostiko egin ziren, eta positibotasuna % 7,3koa izan zen.

Abuztuan hirugarren egunez 100etik behera kokatu dira, gainera, kutsatzeak; urrun gelditzen dira hilaren lehen asteko 300 kutsatuen bueltako zifrak. 

Atzo zenbatutakoak, zehazki, duela astebete hautemandako 152 kasuen azpitik daude eta duela bi asteko 229 kasuetatik oso behera. 

Ostegunean 7 ospitaleratze berri egin ziren, bat ere ez intentsiboetan, eta guztira 90 pertsona daude ospitaleratuta covid-19 gaixotasunagatik, horietatik 24 ZIUn.

Foru Gobernuak jakinarazi duenez, azken orduetan beste heriotza bat izan da covid-19agatik; 1221 heriotza izan dira guztira Nafarroan.

Atzo covid-19aren aurkako 3590 txerto dosi inokulatu ziren; guztira 910.735 dosi eman dira eta 459.788 lagunek dute jarraibide osoa.

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.
  • Bisitatuena

      Kargatzen ikusiena
      Kargatzen ikusiena
    ;