Euskal gizarteak 'beldurraren armairutik' irten behar du

Maite Pagazaurtundua Terrorismoaren Biktimen Fundazioko presidenteak "beldurraren armairutik" ateratzeko eskatu euskal gizarteari eta ETAri "txanoa kendu, desegin, armak entregatu eta argitzeko dauden hilketen egia jakiten lagundu dezan" esan dio.

Pagazaurtunduak eguerdian egin ditu adierazpenok, Andoainen, Joseba Pagazaurtundua anaiaren hilketaren bederatzigarren urteurrenean. Udaltzaingoko buruzagia izandakoari asteazkenean ere omendu zuen PSE-EEk, lore-eskaintza bat eginda.

Asteazkenean bezala, larunbat honetan ere "Josebaren Etxea" eskulturaren inguruan bildu dira bai senitartekoak eta bai lagunak. Agustin Ibarrolaren obraren ondoan izan dira, besteak beste, Estibaliz Garmendia Josebaren alarguna eta Ignacio Latierro eta Fernando Savater filosofoa, hildakoaren lagunak.