Santanderren aurkitu dute Zumaian desagertutako emakume frantziarra

Espainiako Poliziak Ertzaintzari jakinarazi dionez, Donejakue bidea egiten ari zela Gipuzkoako kostaldean desagertutako emakumea osasun egoera onean aurkitu dute Santanderren (Kantabria).

Emakumea Zumaian desagertu zen asteartean. Hori dela eta, Ertzaintza haren bila egon da egunotan, eta, ikerketa-lanen barruan, Guardia Zibilari eta Polizia Nazionalari jakinarazi zien emakume frantziarra Kantabrian egon zitekeela.

Hala, Espainiako Poliziak Ertzaintzari jakinarazi dionez, erromesa Santanderren aurkitu dute, osasun egoera onean, Eusko Jaurlaritzako Segurtasun Sailak zabaldutakoaren arabera.