Gizartea -
Emakumeen kontrako indarkeria
Indarkeria matxista salaketak % 1,3 igo dira Nafarroan
2011n, guztira, Emakumeen kontrako tratu txarren inguruko 1.227 salaketa ipini zituzten.
Erredakzioa
2011n emakumeen kontrako idarkeria kasuen 1.227 salaketa jarri ziren Nafarroan, aurreko urtean baino % 1,3 gehiago, alegia.
Indarkeria matxista kasuak artatu eta saihesteko sortutako jarraipen batzordeak jakinarazi duenez, 1.227 salaketa horien artean % 52 biktimaren egungo bikotekidearen ingurukoak ziren eta % 31 bikotekide ohiarenak.
Jaioterriari erreparatuz gero, erasoak jasan dituzten emakumeen % 45 atzerritarrak ziren. Gune geografikoari dagokionez, berriz, Iruñean eta Iruñerrian zenbatu ziren salaketa gehienak, % 64, alegia.
2012rako Nafarroako Gobernuko Gizarte Politikarako Sailaren helburuetako bat emakumeen kontrako indarkeria kasuen inguruko foru lege berria egitea izango da, eta bertan sexu explotazioaren eta prostituzioaren aldeak ere jasoko diztute.
