30 covid-19 kasu baino gutxiago atzeman dituzte Nafarroan, hirugarren egunez jarraian

Covid-19 pandemiaren bilakaerak bide onetik jarraitzen duela dirudi Nafarroan. Izan ere, 16. eguna da, jarraian, Foru Erkidegoan, 100 kutsatze berritik behera diagnostikatzen direla egunean, eta azken hiru egunetan, gainera, 30etik behera izan dira. Hala, atzo Osasun Sailak 28 kasu berri atzeman zituen 883 proba egin ostean eta positibitatea %3,2koa izan zen. Bezperan 22 positibo izan ziren eta aurreko egunean 28. Kopuru horiek ekainaren erdi aldera izandakoekin aldera daitezke.

Positibo berrietako lau Iruñean atzeman zituzten, hiru Betelun eta bina Altsasun, Lodosan eta Erronkarin eta gainerako herrietan positibo bana diagnostikatu zituzten.

Bestalde, larunbat honetan ez zen ospitaleratzerik izan, ezta hildakorik ere. Gaur egun 48 pertsona daude ospitaleratuta, aurreko eguneko kopuru bera, horietatik 13 ZIUn..