Itxi

2021/10/13

09:42

Gizartea

OSASUNA

Nafarroako Osasun Departamentuak Champix botika erretiratu du tabakoa erretzeari uzteko programatik

EITB MEDIA

Sendagaien Espainiako Agentziak Pfizerrek egindako botika horren lote batzuk merkatutik kentzea agindu du, minbizia eragin dezakeen substantzia bat duelako.

  • Pertsona bat eskuan bi zigarro dituela

    Pertsona bat eskuan bi zigarro dituela. Artxiboko argazkia: EFE

  • Whatsapp
  • Whatsapp
  • Telegram
  • Bidali

Nafarroako Osasun Departamentuak tabakoa erretzeari uzteko programatik erretiratu du Champix botika, Sendagaien Espainiako Agentziak lote batzuk merkatutik kentzea agindu ostean. Hain zuzen ere, N-nitrosovareniclina substantzia duelako hartu dute erabakia.

Munduko Osasun Erakundeak minbizia eragin dezaketen osagaien zerrendan sartua du, nahiz eta arriskua esposizioaren araberakoa izan.

Sendagaien Espainiako Agentziak ohar batean jakinarazi duenez, ez dago berehalako arriskurik sendagai horrekin tratamendua jaso duten herritarrentzat. Dena dela, botika horrekin tratamenduan daudenei medikuarengana joatea gomendatzen die, beste sendagai baterako aldaketa baloratu dezaten.

Osasun Departamentuak duela lau urte sartu zuen Champix erretzeari uzteko programan. Tarte horretan, 13.000 nafar inguruk hartu dute.

  • Bisitatuena

      Kargatzen ikusiena
      Kargatzen ikusiena
    ;