Itxi

2021/10/15

13:46

Gizartea

Nafarroa

Pertsona bat hil da N-121-A errepidean, Burutain parean, zirkulazio-istripu batean

agentziak | erredakzioa

Auto batek eta kamioi batek aurrez aurre talka egin dute. Autoko gidaria, 31 urteko iruindar bat, hil egin da. Kamioiko gidaria eta beste bidaiari bat onik atera dira, baina ibilgailuak su hartu du istripuaren ondorioz.

  • Hildakoaren autoa. Argazkia: Nafarroako suhiltzaileak

    Hildakoaren autoa. Argazkia: Nafarroako suhiltzaileak

  • Whatsapp
  • Whatsapp
  • Telegram
  • Bidali

31 urteko iruindar bat hil da ostiral honetan N-121-A errepidean, Burutain parean (Nafarroa) izandako zirkulazio-istripu batean, Foru Gobernuko iturriek jakitera eman dutenez.

Nafarroako suhiltzaileek txio batean zehaztu dutenez, auto batek eta kamioi batek aurrez aurre talka egin dute. Autoko gidaria hil egin da.

Kamioiko gidaria eta beste bidaiari bat onik atera dira, baina ibilgailuak su hartu du istripuaren ondorioz, eta errepidea itxi behar izan dute.

Foruzaingoa eta Iruñeko Kosterapea auzoko eta Cordovillako parkeetako suhiltzaileak bertaratu dira.

Kamioia, sutan. Argazkia: Nafarroako suhiltzaileak

Kamioia, sutan. Argazkia: Nafarroako suhiltzaileak

  • Bisitatuena

      Kargatzen ikusiena
      Kargatzen ikusiena
    ;