Gizartea -

TRAFIKOA

Zazpi pertsona zauritu dira Hondarribian, bi ibilgailuk talka egin ostean

Istripua gaur goizaldean gertatu da GI-636 errepidean, Hondarribia parean.

AGENTZIAK | EITB MEDIA

Whatsapp Facebook Twitter Telegram Email

Zazpi pertsona zauritu dira gaur goizaldean bi ibilgailuk talka egin eta gero Hondarribian (Gipuzkoa), Eusko Jaurlaritzako Segurtasun Sailak jakitera eman duenez.

Istripua gaur goizaldean gertatu da GI-636 errepidean, Hondarribia parean, Irungo noranzkoan. Zazpi pertsona Bidasoako eskualdeko ospitalera eta Donostia ospitalera eraman behar izan dituzte artatzera.

Zauritutako pertsona bat, Gasteizen

Bestalde, pertsona bat zauritu da astelehen honetan Gasteizen, autoa galtzadatik atera ostean, Eusko Jaurlaritzako Segurtasun Sailak jakinarazi duenez.

Goizaldeko bostak eta hogei aldera izan da, N-102 errepidean, Arabako hiriburuaren parean. Burgoserako noranzkoan zihoan automobil bat galtzadatik atera eta pertsona bat zauritu da. Txagorritxu Ospitalera eraman dute.

Hau zure interesekoa bada, baliteke beste gai hauek ere izatea
Trafiko Istripuak Euskadin Trafikoa Gipuzkoa Hondarribia albisteak Gizartea albisteak Prentsa digitalaren azken orduko Eguneko albisteak