Itxi

Gizartea

GERTAKARIA

Ertzaintzak bi gizonezko atxilotu ditu Zumarragan bost pertsonari labanaz zauriak egiteagatik

EITB MEDIA

Ustezko bi erasotzaileak 21 eta 19 urteko bi gizonezko dira. Atzo goizean, 05:30 aldera, Nafarroa plazan izandako borroka batean hainbat pertsona zauritu zituztela jakinarazi zioten Ertzaintzari telefono-dei baten bidez.

Zumarragan bi gizonezko atxilotu ditu Ertzaintzak, atzo goizaldean izandako istiluetan bost pertsonari labanaz zauriak egitea egotzita. Hilketa-saiakera delitua egozten diete bi ustezko erasotzaileei.

Atzo goizean, 05:30 aldera, Zumarragako Nafarroa plazan izandako borroka batean hainbat pertsona zauritu zituztela jakinarazi zioten Ertzaintzari telefono-dei baten bidez.

Agenteak bertaratu zirenean, bi gazte aurkitu zituzten arma zuriz egindako ebakietatik odola zeriela. Zumarragako ospitalera eraman zituzten, eta euren kabuz bertaratu ziren beste hiru pertsona ere artatu zituztela jakinarazi zieten.

Ertzaintzak handik gutxira ikusi eta atxilotu zituen ustezko bi erasotzaileak, 21 eta 19 urteko bi gizonezko.

Hilketa-ahalegina leporatuta atxilotu dituzte, eta polizia-etxean daude, epailearen aurretik noiz pasatuko zain.

  • Bisitatuena

      Kargatzen ikusiena
      Kargatzen ikusiena