Itxi

2021/12/22

15:04

Gizartea

tranbia

Olabeagatik iritsiko da Bilboko tranbia Zorrotzaurrera eta 5 geltoki izango ditu

eitb media

Lanei 2024aren amaieran edo 2025aren hasieran ekingo zaie eta 2,5 kilometroko luzera izango du zati berriak.

  • Bilboko tranbia.

    Bilboko tranbia. EFEren artxiboko irudia

  • Whatsapp
  • Whatsapp
  • Telegram
  • Bidali

Zorrozaurreraino iritsiko den Bilboko tranbiak bost geltoki eta 2,5 kilometroko luzera izango ditu. Euskalduna Jauregiaren inguruan hasiko da eta Olabeaga auzotik sartuko da uhartera, eraiki beharko den itsasadarraren gaineko 100 metroko zubi berri batetik.

Iñaki Arriola Garraio sailburuak eta Juan Mari Aburto Bilboko alkateak asteazken honetan eman dute ezagutzera Bizkaiko hiriburuko tranbia Zorrotzaurreko uharteraino zabaltzeko trazadura berria, eta bi erakundeetako talde teknikoek elkarlanean egindako lana nabarmendu dute, baita tranbia luzatzeko elkarlanean jarraitzeko borondate politikoa ere.

Lanak 2024aren amaieran edo 2025aren hasieran has daitezke, sailburuak kalkulatu duenez. Eusko Jaurlaritzak kostuaren % 65 hartuko du bere gain, eta Bilboko Udalak gainerako % 35a.

Euskal Trenbide Sarea trenbide-kudeatzaileak idazten ari den informazio-azterlanaren aurrerapena da. Lan horiek amaitu ondoren, azterlana behin-behinean onartuko da, herritarrek, oro har, alegazioak aurkezteko jendaurreko informazioaren izapidearen zain.

  • Bisitatuena

      Kargatzen ikusiena
      Kargatzen ikusiena
    ;