Gizartea -
TRAFIKO ISTRIPUA
Gazte bat larri zauritu da Andosillan izandako auto-istripuan
18:10 aldera gertatu zen atzo ezbeharra, NA-8715 errepidean, autoak farola bat jo eta irauli zenean. Bidaiarietako bat da larri zauritua. Gidaria eta beste bidaiari bat arin zauritu ziren.
AGENTZIAK | EITB MEDIA
19 urteko gazte bat larri zauritu zen atzo arratsaldean NA-8715 errepidean izan zen auto-istripuan, Andosilla parean.
Guardia Zibilak larunbat honetan jakitera eman duenez, 18:10 aldera, gaztea zihoan autoak farola baten kontra jo zuen eta irauli egin zen.
Laurri zaurituta eraman zuten gaztea Ospitalera eta beste bi lagun, gidaria eta beste bidaia, onik atera ziren. Suhiltzaileek atera behar izan zituzten autotik.
Guardia Zibilak ikerketa ireki du istripuaren nondik norakoak argizteko.
Bi emakume zaurituta, Murillo El Cuende eta Caparroso artean gertatutako istripuan
Bestalde, bi emakume gazte zauritu ziren atzo 14:00ak aldera, NA-128 errepidean, Murillo El Cuende eta Caparroso artean izandako istripuan. Bidetik atera eta irauli egin zen euren autoa.
Tafallako Osasun zentroan artatu zituzten lehenbizi eta, ondoren, Nafarroako Ospitale Unibertsitariora eraman zituzten proba gehiago egiteko.