Itxi

2022/01/05

14:31

Gizartea

KORONABIRUSA

Kataluniako Justizia Auzitegi Nagusiak bi astez luzatuko du etxeratze-agindua Katalunian

AGENTZIAK | EITB MEDIA

Halaber, ostiraletik aurrera, beste 14 egunez luzatuko dute gizarte-topaketak gehienez 10 pertsonara mugatzeko aukera, bai eta ekitaldi erlijiosoetan eta zeremonia zibiletan % 70eko edukiera ere.

  • Ostalari batek covid pasaportea derrigorrezkoa dela dioen kartela eskegitzen,  Katalunian

    Ostalari batek covid pasaportea derrigorrezkoa dela dioen kartela eskegitzen, Katalunian. EFE.

  • Whatsapp
  • Whatsapp
  • Telegram
  • Bidali

Kataluniako Justizia Auzitegi Nagusiak asteazken honetan onartu du etxeratze-agindua beste bi astez luzatzeko Kataluniako Gobernuaren eskaera.

Magistratuek oniritzia eman diote dekretuari, eta, ondorioz, ostiraletik aurrera, beste 14 egunez luzatuko dute gizarte-topaketak gehienez 10 pertsonara mugatzeko aukera, bai eta ekitaldi erlijiosoetan eta zeremonia zibiletan % 70eko edukiera ere.

Auzitegi Nagusiak abenduaren 23an bermatu zituen neurri horiek, bi astez indarrean egoteko, eta onespen horrekin covid ziurtagiriaren erabilera ere luzatuko da aplikatzen den sektoreetan.

Pandemiaren intzidentziak "gora egiten jarraitzen du nabarmen" Katalunian, 100.000 biztanleko aurreko astean baino % 35 kasu gehiagorekin eta eguneko 16.976 kasurekin, batez beste.

Familia-eremua da agerraldi gehien izaten dituena, eta hezkuntza eta egoitzak daude ondoren; geriatrikoetako agerraldiek, berriz, gora egin dute berriro, baina "agerraldi bakoitzeko kasuen batez bestekoa oso txikia da".

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.
  • Bisitatuena

      Kargatzen ikusiena
      Kargatzen ikusiena
    ;