Itxi

2022/01/08

13:39

Gizartea

koronabirusa

Nafarroa 3.000 kasuen gainetik dago berriro

i.l.k. | eitb media

Nafarroako Gobernuaren arabera, Foru Erkidegoak 3.035 covid-19 positibo berri hauteman ditu ostiralean, Errege Eguneko jaitsieraren ondoren. Gainera, hiru pertsona hil ziren covidagatik atzo.

  • Nafarroako Unibertsitate Klinikako ZIU. Argazkia: EFE

    Nafarroako Unibertsitate Klinikako ZIU. Argazkia: EFE

  • Whatsapp
  • Whatsapp
  • Telegram
  • Bidali

Nafarroak 3.082 positibo berri hauteman ditu ostiral honetan, 3.000 kasuen langa berriz gaindituta ostegunean erdira murriztu ondoren, jaieguna izateagatik.

Hala, aste hasierako datuen parean kokatu dira koronabirus kasuak. Gaur arte, asteak 16.000 positiboko balantzea utzi du, % 47,1eko positibitate-tasarekin.

Nafarroako Gobernuak igorritako datuen arabera, 24 pertsona ospitaleratu zituzten atzo covidagatik, horietako bi, ZIUetan. Guztira, ostiral honetan 221 ziren ospitaleratutako pertsonak, eta 27 zeuden ZIUetan.

Hiru pertsona hil ziren, gainera, atzo covidagatik.

Kutsatze gehien izan dituzten guneen artean dago Iruñea eta, bereziki, Arrotxapea (149), II. Zabalgunea (96), Txantrea (88) eta Donibane (81) auzoak. Gainera, kasu ugari hauteman dituzte Tuteran (146), Burlatan (122), Sarrigurenen (100), Barañainen (76) Mutiloa eta Ansoainen (76), eta Tafallan (72).

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.
  • Bisitatuena

      Kargatzen ikusiena
      Kargatzen ikusiena
    ;