Itxi

2022/01/10

11:37

Gizartea

Donostia

Kontxako Pasealekuko baranda berritzeko obrak hasi dituzte

Agentziak | EITB Media

Gainera, horiek eusten dituen horma konponduko eta espaloia zabalduko dute. Obrek uda arte iraungo dute.

  • Donostiako Kontxako Pasealekua.

    Donostiako Kontxako Pasealekua. Argazkia: EFE

  • Whatsapp
  • Whatsapp
  • Telegram
  • Bidali

Hasi dira jada Donostiako Kontxako Pasealekuko baranda berritzeko obrekin. Barandako 38 zati berrituko dituzte, baita horiek eusten dituen horma konpondu eta espaloia zabaldu ere.

Obrak aurrera eramateko Kontxako Pasealekuko espaloia eta bidegorria itxiko dituzte. Horrela, errepideko errei bat gordeko da oinezkoentzat eta txirrindularientzat; galtzadako tarte hartatik igaro beharko dute, txirrindularien kasuan, bizikleta eskuan eramanez. Bertan egingo dute bidegorri berria, espaloia zabaldu ostean.

Duñike Agirrezabalaga Hiri Proiektuetako zinegotziak azpimarratu du "oso beharrezko" obra dela baranda berritzearena, haren zein hormaren "egoera txarra" dela eta.

Era berean, obra berriekin batera Mirakontxa aldeko bide-bazterra egokitzen jarraituko dute. Beraz, ordezko pasaguneari eutsiko zaio, semaforoarekin, baimendutako ibilgailuentzat. 2022an pasealekuko barandako beste 120 metro berrituko dituzte, 800.000 euroko aurrekontuarekin.

  • Bisitatuena

      Kargatzen ikusiena
      Kargatzen ikusiena
    ;