2022/01/11
13:13
Gizartea
EGURALDIA
Izotzagatik abisu horia ezarri dute asteazken eta ostegunerako
AGENTZIAK | EITB MEDIA
Bihar behe-lainoa espero da goizaldean eta lehen orduetan, eta Araban izotza egingo du. Ostegunean, berriz, barnealde osoan espero da izotza.
-
Izotza. Argazkia: Imanol Aragon
Eusko Jaurlaritzako Segurtasun Sailak abisu horia ezarri du asteazken eta ostegun honetarako, barnealdean izotza egingo duelako. Bi kasuetan, neurria egunaren lehen orduetan hasi eta 10:00ak arte egongo da indarrean.
Asteazkenean behe-lainoa espero da goizaldean eta lehen orduetan, eta Araban izotza egingo du. Ostegunean, berriz, izotza egingo du barnealde osoan. Barnealdeko zenbait puntutan behe-lainoa sortzea espero da, Ebro inguruan iraunkorrak izan daitezkeenak.
