Gizartea -
Koronabirusa
Osakidetzak formulario bakarrean bildu ditu koronabirusarekin lotutako izapide guztiak
Osakidetzaren webgunean formulario bakarra dago orain kontaktu estuentzat, test batean positibo eman dutenentzat eta laneko bajak izapidetu nahi dituztenentzat.
EITB Media
COVID-19arekin lotutako kasu guztien erregistroa eta izapideak formulario bakar batean bateratu ditu Osakidetzak.
"Nola jokatzen dut?" izeneko atal batean, formulario bakarra ageri da orain. Bertan sakatu beharko da hemendik aurrera koronabirusarekin lotutako edozein izapide egiteko, hau da, sintomen agerpenaren berri emateko, kontaktu estua zarela erregistratzeko, farmaziako autotest batean positibo eman duzula jakinarazteko edo laneko baja izapidetzeko.
Osakidetzatik zehaztu dutenez, bildutako datu guztiak diagnostiko-proba bat egiteko hitzordua eman behar ote den aztertzeko erabiliko dituzte.
