Itxi

Gizartea

Epaiketa

La Manadako biktimaren datuak zabaldu zituen gizona atxilotzeko agindua eman du epaileak

Agentziak| EITB MEDIA

Akusatua ez da bistara joan, eta abokatuak uko egin dio defentsarekin jarraitzeari. Epaileak ez du epaiketa berriaren data zehaztu.

  • La Manada auziaren kontrako protesten argazki bat.

    La Manada auziaren kontrako protesten argazki bat. Artxiboko argazkia: EFE.

Iruñeko La Manadako biktimaren datu pertsonalak eta argazkiak Interneten zabaltzeagatik akusatutako gizona atxilotzeko eta espetxeratzeko agindua eman du epaile batek, akusatua asteazken honetan epaiketara aurkeztu ez delako. Fiskaltzak bi urte eta erdiko espetxe zigorra eskatu du harentzat.

Epaiketa asteazken honetan, 09:30ean, zen egitekoa, Bartzelonako zigor-arloko 1 zenbakiko epaitegian, baina bertan behera utzi dute, akusatua, Eric C.T.G., ez baita bistara joan, eta, horren aurrean, abokatuak berak uko egin dio etorkizunean hura defendatzen jarraitzeari.

Epaileak epaiketa etetea erabaki du, eta, Fiskaltzaren eta gainerako akusazioen eskaerari jarraiki, auzipetua atxilotzeko eta espetxeratzeko agindua eman du, epaiketa berriro ezartzen den egunean haren agerraldia bermatzeko, oraindik zehazteke dagoen egun batean.

Fiskaltzak bi urte eta erdiko kartzela zigorra eskatu du harentzat, La Legionen jarraitzailearentzat, Iruñeko biktimaren eta bortxaketaren datu pertsonalak eta argazkiak zabaltzea egotzita, Interneteko foro batean, hari "iseka" egiteko.

Idazkian, Fiskaltzak integritate moralaren aurkako delitu bat egotzi dio 40 urteko akusatuari, sekretuak agerrarazteko beste delitu batekin batera, eta 3.600 euroko isuna eta biktimari 5.000 euroko kalte-ordaina ordaintzera zigortzeko eskatu du.

  • Bisitatuena

      Kargatzen ikusiena
      Kargatzen ikusiena