Gizartea -

Gipuzkoa

Surflari bat hil da Zurriolako hondartzan, Donostian

Olatuek harkaitzen kontra eraman dute eta konorterik gabe erreskatatu dute. Itsasertzean suspertzen saiatu dira, baina bertan zendu da. Biktima 44 urteko estatubatuar bat da.

Olatuek harkaitzen kontra eraman dute surflaria. Argazkia: EFE
Olatuek harkaitzen kontra eraman dute surflaria. Argazkia: EFE
Olatuek harkaitzen kontra eraman dute surflaria. Argazkia: EFE

AGENTZIAK | EITB MEDIA

Whatsapp Facebook Twitter Telegram Email

Surflari bat hil da arratsalde honetan Zurriolako hondartzan, Donostian, Segurtasun Sailak jakinarazi duenez. Ezbeharra 14:20 inguruan gertatu da.

Olatuek harkaitzen kontra eraman dute surflaria, eta ezin izan du uretatik atera. Donostiako Suhiltzaileen taldeko urpekariek erreskatatu dute. Ordurako konorterik gabe zegoen eta gizona itsasbazterrean suspertzen saiatu dira, baina, tamalez, bertan zendu da.

EFE agentziak udalaren iturriak aipatuta zabaldu duenez, biktima 44 urteko estatubatuar bat da.

Hau zure interesekoa bada, baliteke beste gai hauek ere izatea
Donostia Gipuzkoa Euskal herriko hondartzak mapa Gizartea Surfa Eguneko albisteak Albisteak Itotzeak Euskadin