Gizartea -

GI-2630

Udanako errepidea ez dute ostiral honetan zabalduko, eta itxita jarraituko du

Gipuzkoako Foru Aldundiak azaldu duenez, Legazpi eta Oñati arteko GI-2630 errepideak itxita jarraituko du "garraiolarien grebak eragina izan baitu errepidean egiteko gelditzen diren lanetan".

Agentziak | EiTB Media

Whatsapp Facebook Twitter Telegram Email

Legazpi eta Oñati arteko Udanako errepideak itxita jarraituko du, "garraiolarien grebak eragina izan baitu errepidean egiteko gelditzen diren lanetan, eta, horregatik, ezinezkoa izango da behin behinean errei bat zabaltzea, iragarri zen bezala", Gipuzkoako Foru Aldundiak azaldu duenez.

Bada, foru erakundeak jakinarazi duenez, GI-2630 errepideak itxita jarraituko du datozen egunetan. Iazko abendutik itxita dagoen errepidea ostiral honetan irekiko zela iragarri arren, ezingo da ireki.

Aldundiak erantsi duenez, "garraiolarien grebak eragina izan du irekiera hori posible izan zedin egin gabe zeuden lanetan", eta egun ezin da irekiera data berririk zehaztu.

Hau zure interesekoa bada, baliteke beste gai hauek ere izatea
Trafikoa Gipuzkoa Grebak Gizartea bideoak Eguneko albisteak Oñati albisteak Eguneko albisteak Legazpi albisteak